ଧର୍ମଶାଳା : ଯାଜପୁର ଜିଲ୍ଲା ବରୁହାଁ ପୂର୍ତ୍ତ ବିଭାଗ ଡାକ ବଙ୍ଗଳା ଠାରେ ଓ.ୟୁ.ଜେ. ସହିତ ଅନୁବନ୍ଧିତ ଯାଜପୁର ଜିଲ୍ଲା ସାମ୍ବାଦିକ ସଂଘ ର ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ଜିଲ୍ଲା ସଭାପତି ଶ୍ରୀଯୁକ୍ତ ସମରଜିତ୍ ମହାନ୍ତି ସଭାପତିତ୍ବ କରିଥିବା ବେଳେ ଜିଲ୍ଲା ସମ୍ପାଦକ ଶ୍ରୀଯୁକ୍ତ ରଞ୍ଜିତ ରାଉତ ସ୍ବାଗତ ଭାଷଣ ଦେଇଥିଲେ ।ସେ ତାଙ୍କ ଅଭିଭାଷଣରେ ଆଗାମୀ ଦିନରେ କିପରି ସଂଘକୁ ଶକ୍ତିଶାଳୀ କରିହେବ ସେ ସମ୍ପର୍କରେ ସୂଚନା ଦେଇଥିଲେ ।ଏହି ଅବସରରେ ଜିଲ୍ଲାର କାର୍ଯ୍ୟନିର୍ବାହୀ ସଭାପତି ଶ୍ରୀଯୁକ୍ତ ଅଭୟ ପତି ମଧ୍ୟ ସମସ୍ତ ସଦସ୍ୟଙ୍କୁ ଉଦବୋଧନ ଦେଇ ସାମ୍ବାଦିକ ମାନଙ୍କ ସୁରକ୍ଷା ଓ ସଂଘର ଉନ୍ନତି କରଣ ଉପରେ ଆଲୋକପାତ କରିଥିଲେ । ସଭାପତି ତାଙ୍କ ବକ୍ତବ୍ଯରେ ଆଗାମୀ ଦିନରେ ରାଜ୍ୟ କାର୍ଯ୍ୟକାରୀଣି ଯାଜପୁର ଜିଲ୍ଲାରେ କରିବାକୁ ମତ ବ୍ଯକ୍ତ କରିବା ସହିତ ତାହାର ରୂପରେଖ ସମ୍ପର୍କରେ ସୂଚନା ଦେଇଥିଲେ ।ଏହି ବୈଠକରେ ଜିଲ୍ଲାର ସମସ୍ତ  ବ୍ଲକ୍ ସ୍ତରରୁ ସହସ୍ରାଧିକ ସାମ୍ବାଦିକ ଯୋଗଦାନ କରିଥିଲେ ।ଉକ୍ତ ବୈଠକରେ ଯାଜପୁର ସଦର ଥାନା ଅଧିକାରୀ ଶ୍ରୀ ବଂଶୀଧର ବେହେରା , ସତ୍ୟନାରାୟଣ ବଣିକ ସଂଘର ସଭାପତି ଶ୍ରୀ ପ୍ରକାଶ ଚନ୍ଦ୍ର ପରିଡା ଓ ବାବା ହରେକୃଷ୍ଣ ଦାସ ମହାବିଦ୍ୟାଳୟ ମାର୍କଣ୍ଡପୁରର ଶ୍ରୀ ପ୍ରକାଶ ଚନ୍ଦ୍ର ସୁବୁଦ୍ଧି ରାୟ ମହାପାତ୍ର ଙ୍କୁ ପୂଷ୍ପ ଗୁଚ୍ଛ ସହ ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲା ।