କୋରାଇ : ସ୍ଥାନୀୟ କାହ୍ନୁଚରଣ ମହା ବିଦ୍ୟାଳୟ ଠାରେ କୋରାଇ ମଣ୍ଡଳ ସାହିତ୍ୟ ସଂସଦର ଶ୍ରୀ ଜୟଦେବ ଉତ୍ସବ ଓ ବର୍ଷା କବିତା ଆସର ଅନୁଷ୍ଠିତ ହୋଇଯାଇଛି । ଏହି ଅବସରରେ କୋରାଇ ବିଧାୟକ ଶ୍ରୀଯୁକ୍ତ ଅଶୋକ କୁମାର ବଳ ଉଦଘାଟକ ତଥା ମୂଖ୍ୟ ଅତିଥି ଭାବେ ଯୋଗଦେଇଥିଲେ ।ସଂସଦ ସଭାପତି ନନ୍ଦକିଶୋର ସିଂ ଙ୍କ ସଭାପତିତ୍ବରେ ଅନୁଷ୍ଠିତ ଏହି ଆସରରେ ସମ୍ମାନିତ ଅତିଥି ଭାବେ ଡ଼.ରୁଦ୍ରନାରାୟଣ ପୃଷ୍ଟି ଯୋଗଦାନ କରିଥିଲେ ।ମୂଖ୍ୟ ବକ୍ତା ଭାବରେ ପ୍ରଧ୍ଯାପକ ଡ଼.ବ୍ରଜମୋହନ ମିଶ୍ର ଯୋଗଦେଇ ସମାଜ ରେ ଜୟଦେବ ସାହିତ୍ୟ ଏକ ନିଆରା ଓ ଏହା ସାହିତ୍ୟ ଜଗତର ଦିଗ୍ ଦର୍ଶକ ଏବଂ ଏହା ଚିର ସ୍ଥାୟୀ ବୋଲି ଯୁକ୍ତି ଉପସ୍ଥାପନ କରିଥିଲେ ।କାର୍ଯ୍ୟକ୍ରମ ରେ ସମ୍ମାନିତ ବକ୍ତା ଭାବେ ପ୍ରାଧ୍ୟାପକ ଶିବଚରଣ ମାଝୀ, ଅଧ୍ୟାପକ ଅକ୍ଷୟ କୁମାର ମହାନ୍ତି ଓ ମହା ବିଦ୍ୟାଳୟ ଅଧକ୍ଷ ସ୍ମୃତିରଞ୍ଜନ ରାୟ ଯୋଗଦେଇ ସାହିତ୍ୟ ଉପରେ ଅନେକ ମତ ଉପସ୍ଥାପନ କରିଥିଲେ । ବ୍ୟାସନଗର ର ଚଳଚିତ୍ର ପ୍ରଯୋଜକ ଶ୍ରୀ ହୃଦାନନ୍ଦ ସାମଲ୍ ଙ୍କୁ ଜୟଦେବ ସମ୍ମାନ ଓ ଶ୍ରୀ ଯୁକ୍ତ ମାଧବଚନ୍ଦ୍ର ନନ୍ଦ ଙ୍କୁ ଗାୟକ ନଟରାଜ୍ କଳା ସମ୍ମାନରେ ସମ୍ମାନିତ କରାଯାଇଥିଲା ।ଏହି ଅବସରରେ ଦୁଇ ଜଣ କବିଙ୍କ ଲିଖିତ ପୁସ୍ତକ ଉନ୍ମୋଚନ ହୋଇଥିଲା ।କାର୍ଯ୍ୟକ୍ରମରେ ଷାଠିଏ ରୁ ଉର୍ଦ୍ଧ୍ବ କବି ଙ୍କ ସହିତ ବ୍ରଜେଶ୍ବରୀ ସିଂ, ରୀନା ମହାପାତ୍ର, ଦୟାନିଧି ନାୟକ , ବାଇଧର ମାଝୀ ଓ ମଳୟ କୁମାର ନାୟକ ପ୍ରମୁଖ ନିଜସ୍ଵ ଲିଖିତ କବିତା ପାଠ କରିଥିଲେ ।
