ପ୍ରେସ ଗ୍ୟାଲେରୀରେ ଅରୁଣ

- Advertisement -

ଅରୁଣ ସାହୁ। ବିଜେଡିର ବରିଷ୍ଠ ବିଧାୟକ ସବୁବେଳେ ନିଜର ନିଆରା ଅମଦାଜ୍ ପାଇଁ ଚର୍ଚ୍ଚାରେ ରହି ଆସିଛନ୍ତି । ଓଡ଼ିଶା ରାଜନୀତିରେ ଯେଉଁ କେତେ ଜଣ ବିଧାୟକ ସବୁବେଳେ ସାମ୍ବାଦିକଙ୍କ ସହ ସମୟ କାଟିବାକୁ ଭଲ ପାଆନ୍ତି ତାଙ୍କ ଭିତରୁ ନୟାଗଡ଼ ବିଧାୟକ ଅରୁଣ ସାହୁ ଅନ୍ୟତମ। ବିଧାନସଭା ଯେତେବେଳେ ଚାଲିଥାଏ ସେ ଶାସକ ଦଳରେ ଥାଆନ୍ତୁ କି ବିରୋଧୀ ଦଳରେ। ଅରୁଣସାହୁ କିନ୍ତୁ ପ୍ରେସ ଗ୍ୟାଲେରୀକୁ ଆସିବାକୁ କେବେ ଭୁଲନ୍ତି ନାହିଁ। ପ୍ରେସ ଗ୍ୟାଲେରୀରେ ସାମ୍ବାଦିକମାନଙ୍କ ସହ ବେଶ କିଛି ସମୟ ବିତାଇଥାଆନ୍ତି । ସବୁ ଅଧିବେଶନରେ ପ୍ରେସ ଗ୍ୟାଲେରୀକୁ ଆସି ସାମ୍ବାଦିକଙ୍କ ସହ ବିଭିନ୍ନ ବିଷୟରେ ଆଲୋଚନା କରିଥାନ୍ତି ସେ । ଏଥର ବିଧାନସଭାରେ କେଉଁ ପ୍ରସଙ୍ଗ ଉଠିବା ଦରକାର କେଉଁଠି ଶାସକ ଦଳର ଭୂଲ ରହୁଛି, କଣ ଦୁର୍ବଳତା ରହିଛି ବିରୋଧୀ ଦଳ ପାଖରେ ତାହା ବି ସାମ୍ବାଦିକଙ୍କ ଠାରୁ ପଚାରିବୁଝନ୍ତି। ଗୃହରେ ବିଭିନ୍ନ ପ୍ରସଂଗରେ ସେ ବାଢୁୁଥିବା ଯୁକ୍ତି ଠିକ୍ ହେଉଛି କି ନାହିଁ ତାହା ପ୍ରେସ ଗ୍ୟାଲେରୀରେ ଥିବା ବରିଷ୍ଠ ଓ କନିଷ୍ଠ ସାମ୍ବାଦିକଙ୍କ ଠାରୁ ବୁଝନ୍ତି।
ଏସବୁ ଛାଡ଼ି ସାମ୍ବାଦିକଙ୍କ ସହ ବିଭିନ୍ନ କଥାକୁ ନେଇ ମଜାମସ୍ତି ମଧ୍ୟ କରନ୍ତି । ସେଥିପାଇଁ ସାମ୍ବାଦିକଙ୍କ ପ୍ରିୟ ହୋଇପାରିଛନ୍ତି ବିଧାୟକ ଅରୁଣ ସାହୁ।

- Advertisement -